हिमाल प्रेस 
काठमाडौँ- पूर्वराष्ट्रपति विद्यादेवी भण्डारीले आज पत्रकार गणेश पाण्डेद्वारा सम्पादित ‘केपी शर्मा ओली : सपना, संघर्ष र संकल्प’ पुस्तकको लोकार्पण गरेकी छन्।
यो पुस्तक प्रधानमन्त्री र नेकपा एमालेका अध्यक्ष केपी शर्मा ओलीको लोकतन्त्र प्राप्तिका लागि गरेको संघर्ष, मुलुकको समृद्धिका लागि देखाएका सपना र उनको नेतृत्वदायी पहललाई समेटेर तयार गरिएको हो।
पुस्तकमा प्रधानमन्त्री ओलीका सहयात्री, राजनीतिज्ञ, अर्थविद् र सामाजिक व्यक्तित्वहरूको लेख र रचनाहरू समेत समावेश गरिएको छ।
यो पुस्तक अल्केमी प्रकाशनले प्रकाशन गरेको हो। कार्यक्रममा प्रधानमन्त्री ओली, एमालेका महासचिव शंकर पोखरेल लगायतका प्रमुख नेता र व्यक्तित्वहरूको सहभागिता रहेको थियो।
प्रकाशित: १९ फागुन २०८१ १३:४७
प्रतिक्रिया
