हिमाल प्रेस 
काठमाडौँ- अभिनेता दयाहाङ राई र विजय बरालको मुख्य भूमिका रहने फिल्म ‘वरिष्ठ बलराम’ को छायांकन सुरु भएको छ।
बुढानिलकण्ठ मन्दिरमा शुभ मुहूर्त गर्दै आइतबारदेखि फिल्मको छायांकन सुरु गरिएको हो। फिल्म मानकृष्ण महर्जनले खिच्नेछन्। सामाजिक कथावस्तुमा आधारित हुने फिल्मको छायांकन चितवन र हेटौंडामा हुने निर्माण टिमले जनाएको छ।
फिल्ममा अन्य कलाकार समृद्धि अर्याल, गौमाया गुरुङ, पशुपति राई, मओत्से गुरुङ, प्रदीप चौधरी, रामबाबु रेग्मी लगायतको अभिनय हुनेछ ।
फिल्म सुरेन्द्र पौडेलले निर्देशन गर्नेछन्। यो उनको चौथो निर्देशन हो। यसअघि उनले ‘आभाष’, ‘क्रृ’ र ‘बाबरी’ निर्देशन गरेका थिए। फिल्ममा निर्देशक पौडेलकै कथा र सम्पादन रहनेछ। फिल्मको पटकथा महेश दवाडीले लेखेका छन्।
फिल्मका निर्माता आशिष एच तामाङ र श्रीराज कार्की हुन्। वृषभ सिद्धी इन्टरटेनमेन्टको प्रस्तुति रहने फिल्म आन्भी फिल्म्सको क्यानरमा बन्नेछ। आगामी वर्ष २०८२ कात्तिक ३ मा फिल्म प्रदर्शन गर्ने टिमको पूर्वतयारी छ।
