हिमाल प्रेस 
काठमाडौँ- बुधबार राति इंग्ल्यान्ड र अफगानिस्तान च्याम्पियन ट्रफीको समूह चरणको खेलमा ‘वार कि पार’ लडाइँ भिडिरहेका थिए।
लगातार दुई खेलमा पराजित भएसँगै इंग्ल्यान्ड च्याम्पियन्स ट्रफीबाट बाहिरिने अवस्थामा पुगेको थियो भने इतिहासमै पहिलो पटक च्याम्पियन्स ट्रफी खेल्न पुगेको अफगानिस्तान पहिलो जित चाहन्थ्यो। यसले यी दुवै टोली दोस्रो खेलबाट पहिलो जितको खोजीमा थिए।
खेलको आखिरी ओभरसम्म कसले जित हात पार्छ भन्न सकिने अवस्था थिएन। पहिले टस टस जितेर सुरुमा ब्याटिङ गरेको अफगानिस्तानले पनि भारी लक्ष्य प्रस्तुत गर्दै इंग्ल्यान्डमाथि दबाब बढाएको थियो। पाकिस्तानको लाहोरमा अफगानिस्तानले ३२६ रनको लक्ष्य प्रस्तुत गरेको थियो। जसका लागि अफगान ओपनर इब्राहिम जाद्रानले १४६ बलमा १७७ रनको पारी खेले । सानदार र ऐतिहासिक शतकका लागि उनले १२ चौका र ६ छक्का हिर्काए।
यता बलिङमा पनि अफगानिस्तानको प्रस्तुत प्रशंसनीय रह्यो। अफगानिस्तानका लागि अजमातुल्लाह उमरजाईले पाँच विकेट लिए भने मोहम्मद नाबीले दुई विकेट हात पारे। अन्तिम ओभरमा समूह चरणबाट एक खेल बाँकी हुँदै बाहिरिएको छ। गएराति लाहोरमा भएको अफगानिस्तानसँगको खेलमा ८ रनले पराजित भएसँगै इंग्ल्यान्डको दोस्रो चरण प्रवेशको सम्भावना सकिएको हो ।
अफगानिस्तानविरुद्ध इंग्ल्यान्डका लागि जोफ्रा आर्चरले तीन विकेट हात पार्दा लियाम लिभिङस्टोनले दुई विकेट लिए।
रोचक र सनसनीपूर्ण बनेको खेलमा जवाफी ब्याटिङ गरेको इंग्ल्यान्डका लागि जो रुटले शतकीय पारी खेले । उनले १११ बलको सामना गर्दै ११ चौका र १ छक्काको मद्दतमा १२० रन बनाए । त्यो अफगानिस्तानविरुद्ध जितका लागि पर्याप्त भएन। इंग्ल्यान्डको मध्यक्रम चल्न नसक्दा अफगानिस्तानसँग पराजित भएको हो । ३१७ रन बनाएको इंग्ल्यान्ड ४९.५ बल खेल्दा अलआउट भएको हो। उमरजाईले अन्तिम ओभरमा कसिलो ब्याटिङ गर्दा इंग्ल्यान्ड अलआउट हुन पुग्यो।
