हिमाल प्रेस 
फाइल तस्बिर।
काठमाडौँ – लेबनानमा खटिएका नेपाली शान्ति सैनिकमाथि आक्रमण भएको छ। लेबनानको राजधानी बेरुतनजिक शान्ति सैनिकममाथि आक्रमण भएको हो।
मिसनका डेपुटी फोर्स कमाण्डर नेपाली सेनाका उपरथी चोकबहादुर ढकाल सवार कन्भोयमाथि उत्तेजित प्रदर्शनकारीले आक्रमण गरेको हो। प्रदर्शनकारीको आक्रमणमा परी ढकाल घाइते भएका छन्।
घटनापश्चात उनलाई तत्काल उद्धार गरी यूएन लेभेल–३ अस्पताल बेरुत पुर्याइएको थियो। अस्पतालले उनी खतारमुक्त रहेको जनसम्पर्क तथा सूचना निर्देशनालय जङ्गी अड्डाले जनाएको छ।
ढकाल कार्यकाल पूरा गरेर स्वदेश फर्कने क्रममा रहेका थिए। घटनाका सम्बन्धमा मिसन हेडक्वार्टरले दक्षिण लेबनानमा सुरक्षा र स्थिरता स्थापना गर्न सेवा गरिरहेका शान्ति सैनिकमाथि भएको आक्रमणबाट स्तब्ध भएको जनाएको छ।
शान्ति सैनिकमाथि भएको आक्रमणको निन्दा गर्दै संयुक्त राष्ट्र संघले लेबनानी सरकारलाई घटनाको तत्काल अनुसन्धान गरी आवश्यक कारबाहीको माग गरेको छ।
घटनाको भत्र्सना गर्दै लेबनानका प्रधानमन्त्री र लेबनिज आर्मड फोर्सले तत्काल अनुसन्धान गरी संलग्नहरूलाई कारबाहीको दायरामा ल्याउने बताएका छन्।
