हिमाल प्रेस 
काठमाडौँ- रोल्पाको घर्ती गाउँबाट होलेरी जाने क्रममा त्रिवेणी गाउँपालिका-७ नन्दीखोला नजिकै शुक्रवार बेलुकी जिप दुर्घटना हुँदा एक महिलाको मृत्यु भएको छ।
प्रहरीका अनुसार घर्ती गाउँबाट दाङ जाने लु १ च ९४०६ नम्बरको जिप दुर्घटना हुँदा रोल्पाको गंगादेव गाउँपालिका-२ का २९ वर्षीया सीता खड्काको मृत्यु भएको हो। दुर्घटनामा परी मृत्यु हुने महिला रुन्टीगढी गाउँपालिका-९ स्थित जनकल्याण माविका शिक्षिका हुन्।
दुर्घटनामा परी शिक्षिकाका दुई छोरा घाइते भएका छन्। ३ वर्षीय सौरभ ओली र १८ महिनाका सुप्रिम ओली गम्भीर घाइते रहेको प्रहरीले जनाएको छ।
घटनास्थल पुगेका रोल्पाका प्रहरी निरीक्षक एवम् सूचना अधिकारी रोहितकुमार शाहीले दुवै बालकको उपचार र हेरचाहको लागि दाङ पठाइएको जानकारी दिए। गाडी चालक भने फरार छन्।
प्रकाशित: २६ माघ २०८१ १२:१२
प्रतिक्रिया
