अछाममा मोटरसाइकल दुर्घटनामा परी एकजनाको मृत्यु

अछाम- अछामको कमलबजार नगरपालिका-१ मोटरकाट्ने भन्ने स्थानमा मोटरसाइकल दुर्घटनामा परी एक महिलाको ज्यान गएको छ। दिउँसो करिब १२ बजे भएको उक्त दुर्घटनामा कमलबजार नगरपालिका-१ मूली निवासी ७२ वर्षीया मैसरादेवी ढकालको घटनास्थलमै मृत्यु भएको प्रहरीले जनाएको छ।

तुर्माखाँद गाउँपालिका निवासी २३ वर्षीय लक्ष्मण शाहीले चलाएको मोटरसाइकलको ठक्करबाट ढकालको मृत्यु भएको हो। प्रहरी प्रशासनले तुरुन्तै घटनास्थल पुगेर आवश्यक कारबाही अगाडि बढाएको छ। ठक्कर दिने मोटरसाइकल चालक शाहीलाई प्रहरीले नियन्त्रणमा लिएको छ भने घटनाबारे थप अनुसन्धान भइरहेको छ।