क्यारेक्टर लुक्समा ‘फेरि रेशम फिलिली’ का कलाकार

काठमाडाैँ- फिल्म ‘फेरि रेशम फिलिली’ को दुई पोस्टर सार्वजनिक भएको छ। सार्वजनिक पोस्टरमा फिल्मका तीन प्रमुख कलाकार विनय श्रेष्ठ, कामेश्वर चौरसिया र सुपुष्पा भट्टलाई देख्न सकिन्छ।

पहिलो पोस्टरमा फिल्मका प्रायः कलाकारलाई क्यारेक्टर लुक्समा देखाइएको छ। दोस्रोमा  भुँईमा पछारिएका विनय हातमा पासपोर्ट देखाइरहेका छन्। उनको वरिपरि अभिनेत्री सुपुष्पाले बन्दुक ताकिरहेकी र कामेश्वरले दुई हात जोडेर माफी मागिरहेका छन्। नेपथ्यमा नेपालको धरहरा र अमेरिकाको ‘स्ट्याचु अफ लिबर्टी’ देखाइएको छ। फिल्मको कथा पहिलोजस्तै मनोरञ्जनयुक्त रहेको निर्माण टिमको दाबी छ।

फिल्मका लखेक तथा निर्देशक निरज महर्जन हुन्। निर्देशक महर्जनसहित आकाश बरालले फिल्मको पटकथा लेखेका छन्।

फिल्ममा विनय, सुपुष्प, कामेश्वर, नीर शाह, प्रकाश घिमिरे, शिशिर वाङ्देल, रवीन्द्र झा, लक्ष्मी गिरी, महेश त्रिपाठी, एवनराज उप्रेती, मेक्सम गौडेल, प्रकाश घिमिरे, सजन थापालगायत कलाकारको अभिनय छ।

‘रेशम फिलिली’का निर्देशक प्रनव जोशी र अभिनेत्री मेनुका प्रधानका अलवा फिल्ममा अधिकांश पुरानै टिम छन्।

सुसन प्रजापतीको छायांकन, नरेश किङ्ग योगीको द्वन्द्व निर्देशन, कालीप्रसाद बाँस्कोटा, एसडी योगी, हर्क साउद, जयन जे वाइवा र दीपक शर्माको संगीत र सुरेन्द्र पौडेलको सम्पादनमा बनेको छ।

सिनेमा आर्ट र वि मोसन पिक्चर्सको सहकार्यमा निर्माण भएको हो। रौनक विक्रम कडेल निर्माता रहेको फिल्ममा कार्यकारी निर्मातामा सुरज बम ठकुरी र सह(निर्मातामा एनि थापा छन्।