हिमाल प्रेस 
काठमाडौँ- इंग्लिस प्रिमियर लिगमा म्यानचेस्टर युनाइटेडले संघर्षपूर्ण जित निकालेको छ। गए राति भएको खेलमा म्यानचेस्टर युनाइटेडले फुलहामलाई १-० ले पराजित गरेको हो। खेलको ७८औँ मिनेटमा युनाइटेडका लिजान्द्रो मार्टिनेजले गरेको गोल नै निर्णायक बन्दा फुलहाम पराजित भएको हो।
त्यस्तै एस्टन भिल्ला र वेस्टहामबीचको खेल १-१ गोलको बराबरीमा सकिएको छ। ब्रेनफोर्डले क्रिस्टल प्यालेसलाई २-१ ले पराजित गर्दा लिसेस्टर सिटीले टोटनहामलाई २-१ ले पराजित गर्यो।
अंकतालिकामा भने लिभरपुल शीर्ष स्थानमा यथावत छ। दोस्रो स्थानमा आर्सनल छ भने नोटम फरेस्ट तेस्रो तथा म्यानचेस्टर सिटी चौथो स्थानमा छ। न्युकासल अंकतालिकाको पाँचौँ स्थानमा छ।
प्रकाशित: १४ माघ २०८१ ७:५०
प्रतिक्रिया
