मोटरसाइकल दुर्घटनामा एक जनाको मृत्यु

जनकपुरधाम– जनकपुरधाममा मोटरसाइकल दुर्घटनामा परी एक जनाको मृत्यु भएको छ। मधेश भवनअगाडि भएको मोटरसाइकल दुर्घटना भएको हो।

भौतिक पूर्वाधार मन्त्रालय मधेश प्रदेशका चालक देवेन्द्र यादवको मोटरसाइकल दुर्घटनामा मृत्यु भएको जिल्ला प्रहरी कार्यालयका प्रवक्ता बरुणबहादुर सिंहले जानकारी दिए।

उनका अनुसार कार्यालय जाँदै गर्दा मोटरसाइकल दुर्घटना हुँदा यादवको टाउकोमा गम्भीर चोट लागेको थियो। घाइते यादवलाई उपचारका लागि प्रादेशिक अस्पताल पु¥याएपछि चिकित्सकले मृत घोषणा गरेका थिए ।

यादव सबार ज १ ब ७५५ नम्बरको मोटरसाइकललाई विपरीत दिशाबाट आइरहेको मधेस प्रदेशको २–०२–००४ प ८१९६ नम्बरको मोटरसाइकलले ठक्कर दिएको थियो।

ठक्कर दिने मोटरसाइकल चालकसहित दुई जनालाई प्रहरीले नियन्त्रणमा लिएको छ। घटनाबारे थप अनुसन्धान भइरहेको प्रहरीले जनाएको छ।