हिमाल प्रेस 
काठमाडौँ- प्रहरीले जबजरस्ती करणी गरेको आरोपमा सप्तरीबाट एक युवकलाई पक्राउ गरेको छ।
विष्णुपुर गाउँपालिका वडा नम्बर १ बस्ने १९ वर्षीय अकलेशकुमार मण्डललाई प्रहरीले पक्राउ गरेको हो।
कक्षा ११ मा अध्ययनरत १५ वर्षीया एक नाबालिकलाई बलात्कार गरेको आरोपमा मण्डललाई पक्राउ गरिएको सप्तरी प्रहरीका प्रवक्ता डीएसपी जितेन्द्रकुमार बस्नेतले जानकारी दिए।
बुधबार बिहान साइकल चढेर कलेज गइरहेकी नाबालिकलाई मझाउ टोदेखि पूर्व साइफन पुलनजिक नहरको दक्षिण डीलमा लगेर मण्डलले बलात्कार गरेको बस्नेतले बताए।
उनका अनुसार पीडित नाबालिकले प्रतिकार गर्न खोज्दा मण्डलले उनको बायाँ हातसमेत टुटाइ दिएको प्रहरीले जनाएको छ। सप्तरी जिल्ला अदालतबाट म्याद थप गराई पक्राउ परेको मण्डलमाथि आवश्यक अनुसन्धान भइरहेको प्रहरीले बताएको छ।
प्रकाशित: १० माघ २०८१ १४:०४
प्रतिक्रिया
