हिमाल प्रेस 
नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’
काठमाडौँ- नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले केपी ओली सरकारले छिटै ढल्ने संकेत गरेका छन्। चितवनको भरतपुर विमानस्थलमा मंगलबार पत्रकारसँग कुराकानी गर्दै अध्यक्ष प्रचण्डले माओवादीको प्रथमिकतामा सरकारमा नभएको स्पष्ट पारे।
उनले भने, ‘सदनमा विधेयक नलगी अध्यादेशबाट सरकार चलाउन खोजिएकोमा आपत्ति छ।’ ओली नेतृत्वको सरकार बनेदेखि नै संविधान र लोकतन्त्रको भावनाविरुद्ध काम भइरहेको प्रचण्डले आरोप लगाए।
सुशासन, आर्थिक विकास र भ्रष्टाचार नियन्त्रणमा विशेष काम गर्दैगर्दा आफू नेतृत्वको सरकारलाई असंवैधानिक र अपारदर्शी ढंगबाट ढालिएको उनको भनाइ छ।
प्रकाशित: ८ माघ २०८१ १६:२७
प्रतिक्रिया
