हिमाल प्रेस 
मन्त्रिपरिषद् बैठक। फाइल तस्बिर
काठमाडौँ- सरकारले संसद् अधिवेशन बोलाउने निर्णय गरेको छ। आज सोमबार बसेको मन्त्रिपरिषद् बैठकले संघीय संसद्को हिउँदे अधिवेशन यही माघ १८ गते बोलाउने निर्णय गरेको हो। बैठकले संघीय संसदको दुवै सदनको बैठक आह्वानका लागि राष्ट्रपति रामचन्द्र पौडेलसमक्ष सिफारिस गरेको श्रम, रोजगार तथा सामाजिक सुरक्षा मन्त्री शरत्सिंह भण्डारीले हिमालप्रेसलाई जानकारी दिए।
‘आजको बैठकले संघीय संसद्को दुवै सदनको बैठक माघ १८ गते आह्वानका लागि राष्ट्रपतिसमक्ष सिफारिस गर्ने निर्णय गरेको छ’ उनले भने।
आजै मन्त्रिपरिषद् बैठकअघि सभामुख देवराज घिमिरेसँग प्रधानमन्त्री केपी शर्मा ओलीले संसद् बैठक बस्नेबारे छलफल गरेका थिए। गत भदौ ३१ गते संसद्को वर्षे अधिवेशन अन्त्य भएको थियो।
प्रकाशित: ७ माघ २०८१ १७:०१
प्रतिक्रिया
