स्पेसएक्सद्वारा चन्द्रमामा दुई ल्यान्डर प्रक्षेपण

काठमाडौँ– स्पेसएक्सले बुधबार एउटै रकेटमा दुई रोबोटिक चन्द्र ल्यान्डरहरू प्रक्षेपण गरेको छ।

दुईवटा ल्यान्डरहरू अमेरिकी निजी एयरोस्पेस कम्पनी फायरफ्लाइ एयरोस्पेसको ब्लू घोस्ट ल्यान्डर र जापानी कम्पनी इसस्पेसको ल्यान्डर हुन्। फ्लोरिडाको नासाको केनेडी स्पेस सेन्टरमा स्पेसएक्स फाल्कन ९ रकेटमा बुधबार पूर्वी समय करिब १ः१३ बजे ल्यान्डरहरू प्रक्षेपण गरिएको थियो।

स्पेसएक्सले रकेटको मुख्य इन्जिन कटअफ भएको पुष्टि गर्‍यो। फाल्कन ९ को पहिलो चरण एट्लान्टिक महासागरमा तैनाथ गरिएको ड्रोनशिपमा सफलतापूर्वक अवतरण भएको जनाएको छ।

फायरफ्लाइको ब्लू घोस्ट ल्यान्डरले मार्चको शुरुमा चन्द्रमाको सतहमा अवतरण गर्ने लक्ष्यका साथ चन्द्रमाको यात्रामा करिब ४५ दिन बिताउनेछ। यो लगभग चन्द्रमाको नजिक अवतरण गर्ने लक्ष्य राखिएको छ।

नासाका अनुसार प्रयोगहरूमा चन्द्र उपसतह ड्रिलिङ्ग प्रविधि, रेगोलिथ नमूना संकलन, ग्लोबल नेभिगेसन स्याटेलाइट प्रणाली, विकिरण–सहनशील विधिहरू समावेश छन्।

नासाले यस मिसनको खोजले पृथ्वीलाई पनि फाइदा पुग्ने बताएको छ। यसले अन्तरिक्ष मौसम र ब्रह्माण्डीय शक्तिहरूले ग्रहलाई कसरी असर गर्छ भन्ने कुरामा प्रकाश पार्नेछ।-रासस