हिमाल प्रेस 
फाइल तस्बिर
काठमाडौँ- राष्ट्रिय परीक्षा बोर्ड परीक्षा नियन्त्रण कार्यालय कक्षा-१० ले शैक्षिक सत्र-२०८१ को माध्यमिक शिक्षा परीक्षा (एसईई) को समय तालिका सार्वजनिक गरेको छ।
आज सूचना जारी गर्दै बोर्डले २०८१ सालको माध्यमिक शिक्षा परीक्षा (नियमित तथा ग्रेडवृद्धि)को समय तालिकासमेत सर्वाजनिक गरेको हो।
पहिलो दिन अनिवार्य अंग्रेजी विषयको परीक्षा हुने छ। यस दिन संस्कृत वेद विद्याश्रमतर्फ अनिवार्य संस्कृत र मदरसातर्फ अनिवार्य अरेविक भाषाको परीक्षा हुनेछ।
दोस्रो दिन चैत ८ गते अनिवार्य नेपाली विषयको परीक्षा हुने छ। चैत १० गते अनिवार्य गणित र चैत १२ गते अनिवार्य विज्ञान विषयको परीक्षा हुने परीक्षा नियन्त्रण कार्यालयको तालिकामा उल्लेख छ।
परीक्षा बिहान ८ बजेदेखि ११ बजेसम्म चल्ने बोर्डले जनाएको छ। कुनै आकस्मिक बिदा पर्न गएमा पनि राष्ट्रिय परीक्षा बोर्ड परीक्षा नियन्त्रण कार्यालयको पूर्व सूचनाविना परीक्षा स्थगित हुने नहुने बताइएको छ।
