जय ट्रफीको उपाधि भिडन्त : पुलिस र त्रिभुवनको ‘डर्बी’ आमनेसामने हुँदै

काठमाडौँ- जय ट्रफी पुरुष एलिट कपको उपाधिका लागि आज दुई विभागीय टोली नेपाल पुलिस र त्रिभुवन आर्मी क्लब प्रतिस्पर्धा गर्दैछन्।

खेल वीरगन्जस्थित नारायणी किक्रेट मैदानमा बिहान ९ बजे सुरु हुने फाइनल खेल तीन दिवसीय हुनेछ। लिग चरणबाट पुलिस शीर्ष र आर्मी दोस्रो स्थानमा रहेर उपाधि नजिक पुगेका हुन्। पुलिसले दुई जित र एक बराबरीको नतिजा निकाल्दा आर्मीले दुई बराबरी र एक जित निकाल्यो।

लिग चरणमा पुलिसले मधेश र बागमती प्रदेशलाई हराउँदा आर्मीसँग बराबरी खेलेको थियो। यता आर्मीले बागमतीसँग पनि बराबरी खेल्दा मधेशलाई हराएको थियो।