हिमाल प्रेस 
काठमाडौँ- ‘जय ट्रफी मेन्स एलिट’ कपको जारी प्रतियोगितामा नेपाल प्रहरी क्लबसँग बागमती प्रदेश पराजित भएको छ। जनकपुरधामको रामजानकी क्रिकेट मैदानमा भएको प्रतियोगितामा नेपाल प्रहरी क्लबले बागमती प्रदेशलाई पाँच विकेटले पराजित गरेको हो।
टस हारेर ब्याटिङको निम्तो पाएको बागमती प्रदेशले पहिलो इनिङमा सबै विकेट गुमाएर ११२ रन बनाएको थियो। जवाफी ब्याटिङ गर्दै प्रहरी क्लबले पहिलो इनिङमा २१५ रन बनायो।
दोस्रो इनिङमा बागमती प्रदेशले २१८ रनको योगफल खडा गरेर प्रहरी क्लबसामु ११५ रनको जितको लक्ष्य प्रस्तुत ग¥यो। प्रहरी क्लबले दोस्रो इनिङमा पाँच विकेट गुमाएर यो लक्ष्य पूरा गर्यो। यो जितसँगै प्रहरी क्लब प्रतियोगिताको फाइनलमा पुगेको छ।
बागमती प्रदेशका लागि पहिलो इनिङमा इशान पाण्डेबाहेक अन्य कुनै ब्याटरले राम्रा प्रदर्शन गर्न सकेनन्। इशानले ७१ र प्रतीक श्रेष्ठले १२ बाहेक अन्य कुनै पनि ब्याटर दोहोरो अंकमा रन बनाउन सकेनन्।
पहिलो इनिङमा प्रहरी क्लबका लागि ललित राजवंशीले ४, श्रवण यादवले ३, कुशल भुर्तेलले २ विकेट लिएका थिए। त्यस्तै पहिलो इनिङमा प्रहरी क्लबका लागि अमित श्रेष्ठले ७९ र अर्जुन साउदले ७७ रन बनाएका थिए।
पहिलो इनिङमा बागमतीका लागि सन्दीप लामिछानेले ४, प्रतिश जिसी र नन्दन यादवले २–२ र रिजन ढकालले १ विकेट लिए।
दोस्रो इनिङमा बागमतीका लागि शुभ कन्साकारले ७० र रित गौतमले ५२ रन बनाए। त्यस्तै प्रहरी क्लबका ललित राजवंशीले ३, श्रवण यादवले २, गुलशन झा, रासिद खान, कुशल भुर्तेल र प्रेम तामाङले १–१ विकेट लिए।
दोस्रो इनिङमा प्रहरी क्लबका लागि अमित श्रेष्ठले ५६ र कुशल भुर्तेलले २३ रन बनाउँदा बागमतीका लागि सन्दीप लामिछानेले २, नन्दन यादव, प्रतिश जिसी र सूर्य तामाङले १–१ विकेट लिए।
उपाधिका लागि त्रिभुवन आर्मी क्लब र नेपाल प्रहरी क्लबबीच प्रतिस्पर्धा हुनेछ।
