हिमाल प्रेस 
काठमाडौँ- एनसेलले प्रतिष्ठित आइएसओ २७००१ ः २०२२ (आइएसएमएस) र २७७०१ ः २०१९ (पीआइएमएस) को मान्यता पाउन सफल भएको छ।
यसले डेटा सुरक्षा र गोपनीयतामा एनसेलको नेतृत्वदायी स्थानलाई थप मजबुट बनाएको र ग्राहकहरूको विश्वासका लागि नयाँ मापदण्ड स्थापित गरेको एनसेलको भनाइ छ।
यो उपलब्धिसँगै एनसेल सूचना सुरक्षा व्यवस्थापन प्रणाली (आइएसएमएस) र गोपनीयता सूचना व्यवस्थापन प्रणाली (पीआइएमएस) प्रमाणित हुने नेपालको पहिलो दूरसञ्चार कम्पनी बनेको हो।
‘यी विश्वव्यापी मान्यताहरू प्राप्त गर्नु हाम्रो सूचना सुरक्षा र गोपनीयता व्यवस्थापनलाई सुदृढ पार्ने निरन्तर प्रयासहरूको एक प्रमुख कोसेढुङ्गा हो। यसले एनसेल निरन्तर सुधार र उत्कृष्टताप्रति आफ्नो प्रतिबद्धतामा अडिग रहेको, गुणस्तर र सुरक्षाप्रति सधैँ समर्पित रहेको स्पष्ट पार्दछ। सीईओका रूपमा म यो अन्तर्राष्ट्रिय मान्यताप्राप्त मापदण्ड प्राप्त गर्ने परिवर्तनकारी अनुभव साझा गर्न पाएकोमा हर्षित छु,’एनसेलका प्रमुख कार्यकारी अधिकृत तथा प्रबन्ध निर्देशक जाब्बोर कायुमोभले भने।
यी मान्यताहरू ग्राहक डेटा सुरक्षा र डेटा सेन्टर, ग्राहक सेवा र आईटी सेवामा गोपनीयता सुनिश्चित गर्ने अभ्यासहरूमा एनसेलले उच्च जवाफदेहीताका साथ व्यवस्थापन गर्ने र डेटाहरू सुरक्षित रहने प्रत्याभूति प्रदान गरेको एनसेलले बताएको छ।
ग्राहक र साझेदारहरूका डाटा साइबर थ्रेट र अनधिकृत पहुँचबाट जोगाउन एसनसेलले सशक्त उपायहरू कार्यान्वय गरेको आइएसओ २७००१ मान्यताले सुनिश्चत गरेको एनसेलको भनाइ छ।
यो उपलब्धिसँगै एनसेलले नेपालको दूरसञ्चार क्षेत्रमा एउटा नयाँ मापदण्ड स्थापित गरेको एनसेलले जनाएको छ।
