माओवादी बैठकमा रञ्जितको प्रस्ताव : प्रचण्ड नै माओवादीको भविष्य हो, उहाँकै नेतृत्वमा दुई तिहाइ ल्याउनतिर लागौँ

काठमाडौँ- नेकपा माओवादी केन्द्रका केन्द्रीय सदस्य रञ्जित तामाङले जनउत्साहलाई ध्यान दिँदै ६ महिना पार्टी अभियानमा जुट्न अपिल गरेका छन्।

उनले पार्टीमा उत्साह थपेर, जनसमर्थन जुटाउँदै महाधिवेशनको तयारीमा लाग्नुपर्ने बताएका छन्। आज माओवादीको केन्द्रीय समिति बैठकमा बोल्दै तामाङले आजको आवश्यकता नै महाधिवेशन भएको बताएका छन्।

तामाङको भनाइलाई उदृत गर्दै एक नेताले भने,‘कमरेड अध्यक्ष प्रचण्डको नेतृत्वमा दुईतिहाई मतका लागि ०८४ को चुनावी तयारीमा जुटौँ।’ तामाङले बैठकमा भने,‘ निश्चय नै प्रचण्ड पोस्टर नै माओवादीको विगत बर्तमान र भविष्य हो।’ उनले युवाको भर्ती खोली पार्टी निमार्णमा अवसर दिन अनुरोध गरे।

‘युवालाई निराश बनाएर पार्टीमा उत्साह आउँदैन। उमेरहदका कारण बिदा हुने विद्यार्थीलाई सबै तहमा प्राथमिकताका साथ यहीबाट न्यायोचित निर्णय गरेर जाउँ।’ विद्युत प्राधिकरणका कार्यकारी निर्देशक कुलमान घिसिङलाई सरकारले हटाए तत्काल सरकार विरुद्ध सडक संघर्षमा जानु पर्ने बताए।