हिमाल प्रेस 
काठमाडौँ- फिल्म ‘जुनाः एक व्यथा’ पोस्टर सार्वजनिक भएको छ। पोस्टरमा फिल्मका मुख्य कलाकार अस्मिता ढकाल र कृष्णप्रसाद धितालको ‘क्यारेक्टर लुक्स’ देख्न सकिन्छ।
विवाहित पहिरनमा रहेकी अस्मिता काखमा सन्तान बोकेर निराश भावमा टोलाइरहेकी छन्। त्यस्तै कलाकार कृष्ण भने कोहीप्रति रिस व्यक्त गरिरहेका छन्। दाह्रीजुँगा, दौरा र टोपीको पहिरनमा देखिएका उनले कर्के नजर र अनुहारको भाव रिसाएको देख्न सकिन्छ। पोस्टर राकेश दाहालले डिजाइन गरेका हुन्।
बाल विवाह तथा महिला हिंसा निरुपण गर्ने उद्देश्यले बनेको फिल्मका निर्देशक जीवन सेञ्चुरी हुन्। फिल्ममा राजबहादुर सानेको कथा रहेकाे फिल्ममा अस्मिता ढकाल र कृष्णप्रसाद धितालसहित देशभक्त खनाल, रश्मी भट्ट, कमल बोहोरा, अस्मिता बस्नेत र खगेन्द्र न्यौपानेको अभिनय छ।
पर्वतको सालिजा ओख्रेनीमा छायांकन गरिएको फिल्ममा दीपकप्रसाद घिमिरेले लगानी गरेका छन्। राजबहादुर सानेको कथा रहेको फिल्म बीबी अनुरागी र रमेश सेञ्चुरीको संगीत, जीवन सेञ्चुरी र भीमबहादुर पौडेलको शब्द, अञ्जु पन्त, पूर्णकला बिसी र यदुराई लकान्द्रीको स्वर छ।
फिल्म आगामी गोदावरी फिल्म प्रोडक्सन एण्ड रिसर्चको ब्यानरमा बनेको फिल्म माघ २५ मा प्रदर्शन हुनेछ।
