हिमाल प्रेस 
काठमाडौँ- स्पेनिस कोपा डेल रेमा रियल मड्रिडले सानदार जितपछि अन्तिम १६ मा स्थान बनाएको छ। सोमबार रातिको अन्तिम ३२ को खेलमा रियलले डिर्पोटिभा मिनेरालाई ५-० गोल अन्तरले पराजित गरेपछि अघिल्लो चरणमा स्थान बनाएको हो।
मिनेराको घरेलु मैदानमा रियललाई जित दिलाउँन आर्दा गुलेरले दुई तथा फेडेरिको भाल्भर्डे, एडुआर्डो कामाभिंगा र लुका मोड्रिचले समान एक गोल गरे। खेलको पाँचौं मिनेटमा भाल्भर्डेको गोलमार्फत रियालले सुरुवाती अग्रता लिएको थियो। भाल्भर्डेले गोल गरेको आठ मिनेटपछि कामाभिंगाले टोलीको अग्रता दोब्बर बनाए।
रियलका गुलेरले २८औं मिनेटमा गोल खेललाई ३-० को स्थितीमा पुर्याए। खेलको ५५औं मिनेटमा मोड्रिचले रियलका लागि चौथो गोल गरे। खेलको ८८औं मिनेटमा गुलेरले व्यक्तिगत दोस्रो गोल गर्दै रियाललाई ५-० को सानदार जित दिलाए।
प्रकाशित: २३ पुष २०८१ ९:११
प्रतिक्रिया
