संविधान परिमार्जनबारे छलफलमा जुट्यो रास्वपा

काठमाडौँ- राष्ट्रिय स्वतन्त्र पार्टी संविधान परिमार्जनबारे छलफलमा जुटेको छ। पार्टीको जारी केन्द्रीय समिति बैठकमा आइतबार संविधान परिमार्जनका बारेमा छलफल हुन लागेको हो।  बैठकमा संविधान परिमार्जन सम्बन्धमा छलफल हुने कार्यसूची रहेको कार्यवाहक प्रवक्ता मनीष झाले बताए। यसैगरी सर्वांगीण विकासको भावी कार्यदिशाबारे छलफलको एजेन्डा छ।

बैठकमा जलेशश्वर बैठक र राष्ट्रिय भेलामा प्रस्तुत पार्टी सभापतिको राजनीतिक प्रतिवदेनहरू, पार्टीको आगामी कार्यदिशा, कार्यक्रम तालिकाबारे छलफल हुने झाले बताए। साथै बैठकमा केन्द्रीय समिति, सल्लाहकार परिषद् र थिंकट्यांक एवम् विभागको पुनर्संरचनाका सम्बन्धमा छलफल हुनेछ।

शनिबार काठमाडौँ स्वयम्भूस्थित स्टार भेन्युमा सुरु भएको दोस्रो दिन जारी छ।