हिमाल प्रेस 
काठमाडौँ- इंग्लिस प्रिमियर लिगको शीर्षमा पुग्ने आर्सनलको सम्भावना तत्काललाई रोकिएको छ। शनिबार रातिको खेलमा आर्सनलले पनि ब्राइटनसँग १–१ को बराबरी खेल्दै अंक बाँड्दा दोस्रोमै रोकिएको छ।
यता, यो सिजनका पछिल्ला खेलमा लय गुमाएको चेल्सी फेरि पनि स्तब्ध बनेको छ। शनिबार रातिको खेलमा चेल्सी क्रिस्टल प्यालेससँग १–१ गोलको बराबरीमा रोकिएको छ। चेल्सीका लागि कोल पाल्मरले १४औं मिनेटमा गोल गरेपनि जोगाउन सकेन। ८२औं मिनेटमा जिआन फिलिप माटेटाले घरेलु टोलीलाई हारबाट जोगाएका थिए।
यससँगै ४५ अंकसहित लिभरपुल शीर्ष स्थानमा रहँदा ४० अंकको आर्सनल दोस्रो स्थानमा छ। ३६ अंकसहित चेल्सी चौथो स्थानमा छ।
प्रकाशित: २१ पुष २०८१ ८:३४
प्रतिक्रिया
