हिमाल प्रेस 
काठमाडौँ- राष्ट्रिय टिमकी सदस्य रश्मीकुमारी घिसिङको ह्याट्रिकमा नेपाल एपीएफ क्लवले बागमती युवा क्लवविरुद्ध फराकिलो जित निकालेको छ। राष्ट्रिय महिला लिगको दोस्रो चरणमा बागमतीमाथि युवा ५-१ को सहज जित निकाल्दा रश्मी नायक बनेकी थिइन्।
शनिबार सातदोबाटोस्थित एन्फा मैदानमा एपीएफलाई जित निकाल्न रश्मीले ३ सहित गीता राना र कप्तान अनिता केसीले एकएक गोल गरे।
बागमतीका लागि पुष्पाकुमारी खड्काले सान्त्वना गोल फर्काइन्। खेलको छैटौँ मिनेटमा रश्मीको गोलमार्फ एपिएफले अग्रता लिएको थियो। ६ मिनेटपछि उनैले टोलीको अग्रता दोब्बर बनाइन्।
पुष्पाले १७औं मिनेटमा बागमतीका लागि बराबरी गोल फर्काइन्। २७औं मिनेटमा गीताले एपीएफका लागि तेस्रो गोल गरिन्। रश्मीले ५९औं मिनेटमा ह्याट्रिक पूरा गर्दा एपीएफ ४-१ ले अगाडि बढ्यो। ७०औं मिनेटमा अनिताले गोल गर्दै एपीएफलाई ५-१ को सहज जित दिलाइन्।
