राम चरण अभिनीत ‘गेम चेञ्जर’ को ट्रेलर सार्वजनिक

काठमाडौँ- अभिनेता राम चरणको मुख्य भूमिका रहेको बलिउड फिल्म ‘गेम चेञ्जर’ ट्रेलर सार्वजनिक भएको छ। एक्सनप्रधान ट्रेलर जी-स्टुडियो युट्युब च्यानलबाट सार्वजनिक गरिएको हो।

दुई मिनेट ३७ सेकेण्डकाे ट्रेलरमा राजनीति र सरकारी कर्मचारीबीचको उतारचढावलाई प्रस्तुत गरिएको छ। फिल्म एस शंकरले निर्देशन गरेका हुन्। फिल्ममा कियारा आडवाणी, अञ्जली, समुथिराकनी, ब्रम्हानन्दम्, एसजे सूर्या, श्रीकान्त, प्रकाश राज, सुनिललगायत कलाकारकाे अभिनय छ। फिल्म १० जनवरी अर्थात् पुस २६ मा विश्वभर प्रदर्शन हुनेछ।

यही मितिमा यम शेर्पाको डेब्यू निर्देशित नेपाली फिल्म ‘कार्साङ्’ प्रदर्शन हुँदैछ। फिल्म शेर्पा समुदायसँग सम्बन्धित छ। फिल्ममा दयाहाङ राई, सिर्जना निङ्लेखु, जितु नेपाल, बुद्धी तामाङ, दीया मास्के, प्रेम लोप्चनलगायत कलाकारको अभिनय छ।