हिमाल प्रेस 
काठमाडौँ- सञ्जय न्यौपानेको निर्देशनमा निर्माण भएको म्युजिक भिडियो ‘हारे हारे’ सार्वजनिक गरिएको छ। बुधबार नयाँ वर्ष सन् २०२५ को अवसर पारेर सार्वजनिक गरिएको म्युजिक भिडियोमा अभिनेत्री साम्राज्ञी राज्यलक्ष्मी शाह र विशाल खरेल फिचर्ड छन्।
यही टिमले यसअघि नेपालकै सर्वाधिक महँगो दाबी गरिएको म्युजिक भिडियो ‘मालती’ निर्माण गरेको थियो। बुधबार सार्वजनिक गरिएको नयाँ म्युजिक भिडियो ‘हारे हारे’मा साम्राज्ञी र विशाल रोमान्टिक अवतारमा प्रस्तुत छन्। यो भिडियो पनि थाइल्याण्डका रमणीय स्थानमा खिचिएको हो।
एलए स्टुडियो इन्टरटेनमेन्टको ब्यानरमा निर्माण भएको म्युजिक भिडियोमा नेपाल आइडल सिजन २ बाट चर्चामा आएका सुमित पाठक र ममता गुरुङको स्वर सुन्न सकिन्छ। गीतको शब्द रचना, कम्पोज र एरेञ्ज गायक पाठक स्वयंले गरेका हुन्। सौरभ लामाको डीओपी रहेको म्युजिक भिडियोलाई निर्देशक न्यौपाने र कमल खतिवडाले निर्माण गरेका हुन्।
