हिमाल प्रेस 
काठमाडौँ- विश्वमणि घिमिरे र एलबी कटवालको निर्देशनमा बन्ने टेलिसिरियल ‘गाउँ फर्क’ को लिरिकल गीत सार्वजनिक भएको छ। गीत नयाँ वर्ष २०२५ तथा टोपी दिवसको अवसरमा बुधबार सार्वजनिक गरिएको हो।
नारायण थापाको स्वर रहेको गीतमा ग्रामीण परिवेश र बिदेसिएका नेपालीहरूको कथा समेटिएको छ। गीत शंकर अधिकारी घायलले लेखेकाे गीतमा विकाश चौधरीले संगीत भरेका छन्।
भिडियोमा नेपाल चलचित्र कलाकार संघका अध्यक्ष मोहन निरौला, कलाकार सुवास गजुरेल, उत्तम केसी र सुभेक्षा थापा, मुकुन्द मैनाली, मनमाया कटवाल, लक्ष्मीनाथ तिम्सिना, अशोक शिवाकोटी, अस्मिता बस्नेत, आशा भुसाल, इच्क्षा सिंह, प्रतीक्षा काफ्ले, मुभ थापा र चन्दा भट्टराईलाई देख्न सकिन्छ। भिडियोकाे सम्पादन उपेश कोइराला र सुरज ढकालले गरेका हुन्।
सिरियलकाे कथा निर्देशक घिमिरे र कटवालले नै लेखेका हुन्। निर्देशक घिमिरेकाअनुसार टेलिसिरियल धनकुटाको महालक्ष्मी नगरपालिका-४, चानुवामा छायांकन गरिनेछ। सिरियल नेपाल टेलिभिजनबाट प्रसारण गर्ने टिमको तयारी छ।
गीतकाे भिडियाे
