हिमाल प्रेस 
काठमाडौँ- अपराध जनरामा बनेको फिल्म ‘११ः५५’(डु नट ट्रस्ट एनिवान) आगामी चैत ८ मा प्रदर्शन हुने भएको छ। निर्माण टिमले पोस्टर सार्वजनिक गर्दै चैत ८ लाई प्रदर्शन मिति सार्वजनिक गरेका हुन्।
पोस्टरमा फिल्मका मुख्य कलाकार महेश त्रिपाठी, सृष्टि श्रेष्ठ, करिष्मा श्रेष्ठ, एमएस अग्रज र डेब्यू अभिनेता सागर खनाललाई देख्न सकिन्छ। साथै फिल्ममा कलाकार बुद्धि तामाङ र विशाल पहारीको पनि अभिनय छ।
फिल्मको निर्देशन केशव पाण्डेले गरेका हुन्। यो उनको डेब्यू निर्देशित फिल्म हो। निर्देशक पाण्डेसहित एमएस अग्रज र शेखर ज्ञवालीले फिल्म लेखेका हुन्।
फिल्ममा अल्मोडा राना उप्रेतीको संगीत, कविराज गहतराजको कोरियोग्राफी, देव महर्जनको द्वन्द्व निर्देशन , पासाङ दावा शेर्पाको सम्पादन छ। विचित्र फिल्म्स र गुडजब आर्ट्सको ब्यानरमा निर्माण भएको फिल्ममा श्याम शर्मा र सरोजा शर्माको लगानी गरेका छन्।
