हिमाल प्रेस 
विद्या भण्डारी। फाइल तस्बिर।
काठमाडौँ- पूर्वराष्ट्रपति विद्यादेवी भण्डारीले राष्ट्रिय एकता दिवस तथा ३०३ औँ पृथ्वी जयन्तीको अवसरमा शुभकामना व्यक्त गरेकी छिन्।
शनिबार सामाजिक सञ्जाल एक्समार्फत पूर्वराष्ट्रपति भण्डारीले तत्कालीन गोरखा राज्यका राजा, आधुनिक नेपाल एकीकरण अभियानका नेतृत्वकर्ता पृथ्वीनारायण शाहको ३०३औँ जन्मजयन्ती तथा राष्ट्रिय एकता दिवसको सम्पूर्ण नेपालीहरूमा शुभकामना व्यक्त गरेकी हुन्।
‘राष्ट्रिय एकता दिवसले नेपाल एकीकरण अभियानको गौरवमय इतिहासको स्मरण गराउँदै राष्ट्रिय एकता, सार्वभौमसत्ता र भौगोलिक अखण्डताको अनवरत रक्षा तथा सुदृढीकरण गरी समृद्ध नेपाल सुखी नेपालीको साझा राष्ट्रिय सङ्कल्पलाई साकार पार्न एकजुट भई अगाडि बढ्न हामी सबैलाई प्रेरणा प्रदान गर्नेछ भन्ने विश्वास लिएको छु,’ उनले लेखेकी छिन् ।
प्रकाशित: २७ पुष २०८१ ९:०५
प्रतिक्रिया
