हिमाल प्रेस 
काठमाडौँ- म्यानचेस्टर युनाइटेडले घरेलु मैदानमा लगातार तेस्रो हार व्यहोरेको छ। इंग्लिस प्रिमियर लिगमा सोमबार राति भएको खेलमा न्युक्यासल युनाइटेडसँग २-० ले पराजित भएपछि युनाइटेडका लागि ६० वर्ष यताकै खराब नतिजा आएको हो।
यता न्युक्यासलले भने ओल्ड ट्राफोर्डमा युनाइटेडलाई सन् १९७२ पछि दोस्रो पटक हराएको हो। न्युक्यासलले प्रिमियर लिगमा लगातार चार खेलमा जित निकालेको छ।
सन् १९६२/६३ को सिजनपछि युनाइटेडले घरेलु मैदानमा भएका लिग खेलका कुनै पनि प्रतियोगितामा लगातार तीन खेलमा हार व्यहोरेको छैन। खेलको चौथो मिनेटमा नै एलेक्जेन्डर इसाकको गोलमा न्युक्यासलले सुरुवाती अग्रता बनाएको थियो। १९ औँ मिनेटमा जोएलिन्टले दोस्रो गोल थपेपछि चेल्सीले अग्रता दोब्बर पारेको हो।
जितसँगै न्युक्यासल अंक तालिकामा पाचौँ स्थानमा उक्लेको छ। १९ खेलमा ९ खेलमा जित, समान ५ खेलमा बराबरी र हार भोगेको न्युक्यासलको ३२ अंक छ।
यता पराजित युनाइटेड भने २२ अंकमा चौधौँ स्थानमा छ। ६ खेलमा जित, ४ खेलमा बराबरी गरेमो युनाइटेडले ९ खेलमा हार भोगेको छ। युनाइटेड रेसलगेसन जोनबाट ७ अंकले मात्र अघि छ।
गएराति नै भएको खेलमा चेल्सीलाई पराजित गरेपनि इप्सविच टाउन १५ अंकमा रेलिगेसन क्षेत्रमा नै छ। इपस्विचसँगको हारले चेल्सीलाई भने ठूलो धक्का लागेको छ।
