सहरमा आज : थिएटरमा दुई नाटक, हलमा थरीथरी फिल्म

बत्तिसपुतलीस्थित शिल्पी थिएटरमा नाटक ‘बट स्टिल वी राइज’ मञ्चन भइरहेको छ। नाटक लेखक तथा निर्देशक सुदाम सिके र आकांक्षा कार्कीले निर्देशन गरेका छन्। कथा घेराको प्रस्तुति रहेको नाटकको कथा मिल्सन राईले लेखेका हुन्। नाटक आज दिउँसो १ बजे र साझँ ५ बजेको दुई सो छ।

नाटकमा निर्मला भण्डारी, सरिता थुलुङ, पूजा अधिकारी, सुन्दरी मिश्र, सर्मीला विश्वकर्मा, शिल्पा ढुङ्गेल, पूजा कुमारी बैस्या, निहारिका काफ्ले, एलिसा बडे श्रेष्ठ, शोभा लिम्बू, भूमिका थारु र रिच्मा गुरुङको अभिनय छ।

मण्डला नाटकमा ‘हरि हजुरबा’

थापागाउँस्थित मण्डला नाटकघरमा पुस ४ देखि नाटक ‘हरि हजुरबा’ मञ्चन भइरहेको छ। नाटकका लेखक, परिकल्पनाकार तथा निर्देशक नाजिर हुसेन हुन्। नाटकमा हुलाकी हरि र द्वन्द्वमा हराएकी नातिनी आउने आशामा बाँचिरहेका हजुरबाको कथा प्रस्तुत गरिएको छ। नाटक शनिबार दिउँसो १ बजे र साँझ ५ः३० बजे गरी दुई सो हुँदैछ।

निर्देशक नाजिरसहित नाटकमा विजय बराल, रिय्हुल्साङ् राई, सविना थापा, रोहित शाह, सुजना पाण्डे, मनिष राज पाण्डे र रिसु राउतले अभिनय गरेका छन्। नाटक पुस २८ सम्म मञ्चन हुनेछ।