इटहरीमा ट्याक्टरको ठक्करबाट मोटरसाइकल चालकको मृत्यु

हिमाल प्रेस ४ पुष २०८१ १२:३९
8
SHARES
इटहरीमा ट्याक्टरको ठक्करबाट मोटरसाइकल चालकको मृत्यु

इटहरी-  इटहरीमा ट्याक्टरको ठक्करबाट एक पुरुषको मृत्यु भएको छ। इटहरी १३ खनारमा रहेको काली मन्दिरस्थित कोशी राजमार्गमा दक्षिणबाट उत्तरतर्फ जाँदै गरेको प्र १-०२-०४८ प ३४९७ नम्बरको मोटरसाइकललाई सोही दिशाबाट आउँदै गरेको प्र १-०१-००२ त ०२४९ नम्बरको ट्याक्टरले ठक्कर दिएको हो।

दुर्घटनामा मोटरासाइकल चालक मोरङको रंगेली नगरपालिका ६ बस्ने ४३ वर्षीय बलराम सरदारको मृत्यु भएको प्रहरीले जनाएको छ। घटनामा उनी गम्भीर घाइते भएका थिए। उपचारको लागि विराट टिचिङ अस्पताल विराटनगर पठाइएको भएपनि उपचारको क्रममा उनको मृत्यु भएको प्रहरीको भनाइ छ।

ट्याक्टर चालक दुहबी १० बस्ने २३ वर्षीय अभिराम माझीलाई प्रहरीले नियन्त्रणमा लिएको छ। ट्याक्टर तीव्र गतिका कारण दुर्घटना भएको प्रहरीको प्रारम्भिक अनुसन्धानबाट खुलेको छ। घटनाबारे थप अनुसन्धान भइरहेको प्रहरीले जनाएको छ।

प्रकाशित: ४ पुष २०८१ १२:३९

प्रतिक्रिया

Leave a Reply

Your email address will not be published. Required fields are marked *

1 × 2 =


© Nepali horoscope

© Gold Price Nepal

© Nepal Exchange Rates
© Nepal weather forecast