साउदीमा राहदानीको प्रतिलिपि बनाउँदा १८ हजारसम्म शुल्क लाग्ने

काठमाडौँ- साउदी अरबस्थित नेपाली राजदूतावासले आजदेखि लागू हुनेगरी राहदानीको प्रतिलिपि बनाउन नयाँ शुल्क तोकिएको छ।

दूतावासले एक विज्ञप्ति जारी गर्दै १ पुस अर्थात् सोमबारदेखि ३४ पृष्ठको राहदानीका लागि ३०० साउदी रियाल (करिब ९ हजार रुपैयाँ) र ६६ पृष्ठको राहदानीका लागि ६०० साउदी रियाल (करिब १८ हजार रुपैयाँ) राजस्व दस्तुरबापत बुझाउनुपर्ने जनाएको छ।

साउदी पुगेका कामदारले राहदानी हराउँदा, पाना च्यातिँदा, केरमेट भएमा नयाँ राहदानी बनाउने गरेको दूतावासले जनाएको छ। साउदीबाट वार्षिक ३० हजारभन्दा बढी राहदानीको प्रतिलिपि जारी हुन्छ।