हिमाल प्रेस 
काठमाडौँ- नेपाल आयल निगमले सोमबारदेखि लागू हुने गरेर पेट्रोलको मूल्य बढाएको छ। निगमले पेट्रोलको मूल्य प्रतिलिटर दुई रुपैयाँले बढाएको हो। डिजेल र मट्टितेलको मूल्यमा भने प्रतिलिटर दुई रूपैयाँले घटाइएको छ।
योसँगै अब काठमाडौं, पोखरा र दीपायल डिपो अन्तर्गतका पेट्रोल पम्पमा पेट्रोलको मूल्य प्रतिलिटर १६२ रुपैयाँ, डिजेल र मट्टितेलको मूल्य १५१ रुपैयाँ कायम गरिएको छ।
सुर्खेत र दाङ डिपोअन्तर्गत क्षेत्रमा पेट्रोल १६१ रुपैयाँ, डिजेल तथा मट्टितेलको मूल्य प्रतिलिटर १५० रुपैयाँ कायम भएको निगमले जनाएको छ।
चारआली, विराटनगर, जनकपुर, अमलेखगन्ज, भवलारी, नेपालगञ्ज, धनगढी र वीरगञ्ज क्षेत्रमा पेट्रोल १५९.५० रुपैयाँ र डिजेल/मट्टितेल १४८.५० रुपैयाँ पर्ने निगमले जनाएको छ। खाना पकाउने एलपी ग्यास र हवाई इन्धनको मूल्य भने यथावत् राखिएको छ।
प्रकाशित: ३० मंसिर २०८१ २०:३०
प्रतिक्रिया
