हिमाल प्रेस 
काठमाडौँ- रियाल म्याड्रिड स्पेनिस ला लिगामा शनिबार रातो भालेसानोसँग ३-३ को बराबरीमा रोकिएको छ। बार्सिलोनासँग अंक बराबरी गर्दै शीर्ष स्थानमा जाने मौकालाई रियलले चुकाएको छ। खेलमा भालेसानोले २-० को अग्रता जोगाउन सकेन।
भालेसानोका उनाइ लोपेज, अब्लुद मुमिन र इसी पालेजोन तथा रियलका फेडरिको भाल्भेर्डो, जुड बेलिङघम र रोड्रिगोले गोल गरे।
लोपेजले चौथो र मुमिनले ३६ औं मिनेटमा गोल गर्दै भालेसानोलाई २-० ले अघि बढाए। रियलका भाल्भेर्डोले ३९ औं र बेलिङघमले ४५ औं मिनेटमा गोल गरेपछि पहिलो हाफमा खेल २-२ को बराबरी भयो।
रोड्रिगोले ५६ औं मिनेटमा गोल गर्दै रियललाई पहिलो पटक अग्रता लियो। पालेजोनले ६४ औं मिनेटमा भालेसानोका लागि बराबरी गोल गरे। रियलको १७ खेलबाट ३७ अंक भएको छ । समान खेलबाट बार्सिलोनाको ३८ अंक छ। भसलेसानो २० अंकसहित १३ औं स्थानमा छ।
शनिवार अन्य खेलमा सेभियाले सेल्टा भिगोलाई १-० र मार्लोकाले जिरोनालाई २-१ हरायो । इस्पनयोल र ओससुनाले गोलरहित बराबरी खेलेका छन् ।
