हिमाल प्रेस 
काठमाडौँ- नेपाल प्रिमियर लिग (एनपीएल) मा कर्णाली याक्सले लुम्बिनी लायन्सलाई पराजित गरेको छ। टीयू मैदान कीर्तिपुरमा आज पौने १ बजे सम्पन्न खेलमा कर्णालीले लुम्बिनी लायन्सलाई ५ रनले पराजित गरेको हो।
१२९ रनको लक्ष्य पछ्याएको लुम्बिनीलाई अन्तिम ओभरमा जितका लागि ९ रन आवश्यक थियो। कर्णालीका कप्तान सोमपाल कामीले नन्दन यादवलाई डेथ ओभर बलिङमा पठाएका थिए।
यादवको बलमा लुम्बिनीका ब्याट्सम्यान चल्न सकेनन्। उनले तीन रनमात्रै दिँदा कर्णाली ५ रनले विजयी भएको हो।
लुम्बिनीलाई पराजित गरेसँगै कर्णालीको प्लेअफ सम्भावना बलियो बनेको छ। अब उसले लिगको अन्तिम खेल सुदूरपश्चिम रोयल्ससँग खेल्नेछ।
प्रकाशित: २८ मंसिर २०८१ १२:४२
प्रतिक्रिया
