हिमाल प्रेस 
काठमाडौँ- सुनको मूल्य आज केही बढेको छ। नेपाल सुनचाँदी व्यवसायी महासंघका अनुसार सुनको मूल्य तोलामा चार सय रुपैयाँ बढेर आज एक लाख ५० हजार एक सय रुपैयाँ पुगेको हो।
आइतबार तोलामा चारसय रुपैयाँ घटेर सुनको मूल्य एक लाख ४९ हजार सातसय रुपैयाँमा झरेको थियो। त्यसअघि गएको शुक्रबार पनि सुनको मूल्य तोलामा ६ सय रुपैयाँ घटेको थियो। अघिल्लो साता सुनको मूल्य दुई दिनमै तोलामा साढे १८ हजार रुपैयाँ घटेको थियो।
आज चाँदीको मूल्य प्रतितोला एक हजार आठसय ६५ रुपैयाँमै यथावत छ। हिजो पनि चाँदी यही मूल्यमा कारोबार भएको थियो।
प्रकाशित: २४ मंसिर २०८१ १०:५३
प्रतिक्रिया
