हिमाल प्रेस 
सहकारीपीडितहरूकाे धर्ना। फाइल तस्बिर
काठमाडौँ- सहकारी पीडितहरूले आफूले शान्तिपूर्ण आन्दोलन गरिरहेकै बेला कानुन विपरीत प्रहरीले कुटपिट गरेको भन्दै राष्ट्रिय मानव अधिकार आयोगलाई ज्ञापन पत्र बुझाएको छ। आज सहकारी बचतकर्ता संरक्षण राष्ट्रिय अभियानले सरकार नै पीडितको पक्षमा नरहेको भन्दै आयोगमा ध्यानाकर्षण गराएको हो।
मंसिर ५ गते सहकारी पीडितहरूले काठमाडौंस्थित माइतीघर मन्डलामा शान्तिपूर्ण आन्दोलन गरिरहेका थिए। त्यसैक्रममा प्रहरीले नियोजित रूपमा कुटपिट गरेको बताइएको छ। प्रहरीको कुटाइबाट अध्यक्ष केसी घाइते छन्।
मानव अधिकारको अवमूल्यन गर्दै प्रहरीले संवेदनशील अङ्गहरूमा लाठी प्रहार गरेको पीडितहरूको आरोप छ। हाल घाइतेहरू विभिन्न अस्पतालमा उपचाररत छन्। संविधानको धरा १७ बमोजिम शान्तिपूर्ण आन्दोलनमा प्रहरीद्वारा कुटपिट हुनु कानुनी व्यवस्थाको विपरीत भएकाले न्यायको लागि ध्यानाकर्षण गराएका छन्। कुटपिटमा संलग्न सुरक्षाकर्मीको कारबाहीको माग गर्दै मानव अधिकार आयोगमा ज्ञापन पत्र बुझाएका छन्।
