हिमाल प्रेस 
फाइल तस्बिर।
काठमाडौँ- परराष्ट्रमन्त्री डा. आरजु राणा देउवा संयुक्त राष्ट्रसंघको सर्वोच्च न्यायिक निकाय अन्तर्राष्ट्रिय न्यायिक अदालत (आईसीजे) मा नेपाली प्रतिनिधिमण्डलको नेतृत्व गर्दै शनिबार नेदरल्याण्ड्सको हेग प्रस्थान गर्ने भएकी छन्।
परराष्ट्र मन्त्रालयले बिहीबार एक विज्ञप्ति जारी गर्दै मन्त्री राणा जलवायु परिवर्तनमा राज्यले गरेका प्रतिबद्धतासम्बन्धीको सार्वजनिक सुनुवाइमा सहभागी हुन हेग जान लागेकी हुन्। त्यहाँ उनले नेपालको धारणा प्रस्तुत गर्ने मन्त्रालयले जनाएको छ।
डिसेम्बर २ देखि हेगको अदालतमा सुरु भएको सुनुवाइ डिसेम्बर १२ सम्म चल्नेछ। त्यसपछि मन्त्री राणा जर्मन विदेशमन्त्री एनालेना बेरबकको निमन्त्रणामा डिसेम्बर १७-१८ मा बर्लिनमा हुने समान अधिकारका लागि गठबन्धन सम्मेलनमा सहभागी हुन जर्मनी जानेछिन्। यस्तै उनले बेल्जियम, लक्जमबर्ग, जर्मनी र युरोपेली संघका अधिकारीहरूसँग उच्चस्तरीय बैठक पनि गर्ने मन्त्रालयले जनाएको छ।
राणा डिसेम्बर २० मा स्वदेश फर्कनेछिन्।
