हिमाल प्रेस 
काठमाडौँ- गत वैशाखमा प्रदर्शन भएको फिल्म ‘खजुरे ब्रो’ युट्युुबमा सार्वजनिक भएको छ। निर्माण टिमले शुक्रबार बुढा सुब्बा डिजिटल युट्युबबाट सार्वजनिक गरिएको हो।
फिल्मका लेखक तथा निर्देशक सुरज सुनुवार हुन्। फिल्म कुनै समय धरानमा निकै चर्चित मानिएका खजुरे अर्थात् अनिल सिंहको जीवनकथामा आधारित छ।
खजुरेको भूमिकामा कलाकार रेयर राई छन्। उनको जोडी बनेकी छन् नीति शाह। नीतिको यो डेब्यु फिल्म हो। उनी मिस इन्रनेसनल नेपाल २०१७ की विजेता हुन्।
फिल्ममा दुई व्यक्तिको मित्रता, सहकारीका बचतकर्ताबाट लुटिएको धन लुकाउने संघर्ष र पैसाको कारण पति(पत्निबीच आउने उतारचढाव प्रस्तुत गरिएको छ। फिल्मले हलमा दर्शक तान्न सकेकाे थिएन्।
कमेडी जनरामा बनेको फिल्ममा रेयर र नीतिसहित महेश त्रिपाठी, नवीन मानन्धर, विनिता थापामगर, पुस्कर कार्की, प्रकाश भुजेल, मनिष राउत, प्रेम सुब्बा, सुजाता राईलगायत कलाकारको अभिनय छ।
दिव्य दृश्य इन्टरटेन्मेन्टले मान्द्रो प्रोडक्सन तथा मल्टी प्रपोजसँगको सहकार्यमा फिल्म बनेको छ। फिल्मका निर्माता नवीन मानन्धर तथा निर्देशक सुनुवार हुन्।
यस्ताे छ फिल्म
