हिमाल प्रेस 
काठमाडौँ- कर्णालीको सुर्खेतमा ‘स्थानीय जलवायु क्रियाकलापद्वारा मानव सुरक्षा वृद्धि गर्ने’ विषयक कार्यशाला गोष्ठी सम्पन्न भएको छ।
युएनडीपी र जापान सरकारको सहयोगमा कर्णाली प्रदेशको मुख्यमन्त्री तथा मन्त्रिपरिषद् कार्यालयले कार्यशालाको आयोजना गरिएको हो।
कार्यक्रममा बोल्दै जापानी दूतावासका उपप्रमुख ताकाहिरो तामुराले युएनडीपीले सञ्चालन गरेको परियोजनाहरूबाट जाजरकोटको नालगड नगपालिका र बेरकोट गाउँपालिकाका समुदायमा सकारात्मक परिवर्तन आएकोमा खुसी लागेको बताए।
युएनडीपीको परियोजनाले गत वर्ष जाजरकोटमा गएको भूकम्प प्रभावित लाभान्वित हुनुका साथै पुनः निर्माणमा सहयोग पुगेको उनको भनाइ थियो।
उपप्रमुख तामुराले जापान–युएनडीपी सहयोगको सफल उदाहरण प्रस्तुत गर्न सफल भएको उल्लेख गर्दै यो परियोजनाले जापान र नेपालबीचको सम्बन्धलाई थप मजबुत बनाउन सहयोग गरेको उल्लेख गरे।
युएनडीपीको आवासीय प्रतिनिधि क्योको योकोसुकाले नेपाल सरकार, प्रादेशिक सरकार र स्थानीय सरकारसँग सहकार्य गरेर भूकम्पपश्चातको पुनःस्थापना केन्द्रित परियोजनाहरू कार्यान्वयन गर्ने काम भइरहेको बताइन्।
जापान सरकारलाई धन्यवाद दिँदै उनले यो साझेदारीमार्फत जलवायु परिवर्तनका प्रभावहरू सामना गर्न समुदायअनुकूल क्षमता बढाउन र भूकम्पपश्चातको पुनःस्थापना प्रक्रियामा सहयोग पुर्याइएको उल्लेख गरिन्।
कार्यक्रममा ‘रेसिलेन्स फर स्ट्रेन्दनिङ ह्युम्यान सेक्युरिटी’ नामक पुस्तकप नि लोकार्पण गरिएको थियो।
कार्यक्रममा कर्णाली प्रदेशका प्रमुख सचिवको अध्यक्षतामा भएको कार्यक्रममा संघीय निकायका अधिकारी, सातवटै प्रदेशका प्रतिनिधि, नगरपालिकाका प्रतिनिधिलगायतका उपस्थिति रहेको थियो।
