हिमाल प्रेस 
ललितपुर- ललितपुर महानगरपालिकाका प्रमुख चिरीबाबु महर्जनले ललितपुर महानगरले स्वास्थ्य क्षेत्रमा सबैले सिक्न योग्य हुने गरी काम गर्नुपर्नेमा जोड दिएका छन्।
विश्व स्वयंसेवक दिवसका अवसरमा महानगरद्वारा आज (बिहीबार) यहाँ आयोजित २५औँ राष्ट्रिय महिला सामुदायिक स्वास्थ्य स्वयंसेविका दिवसमा बोल्दै उनले महिला स्वास्थ्य स्वयंसेविकाहरूले उत्कृष्ट काम गरेको बताए। उनले स्वास्थ्य स्वयंसेविकाहरुका लागि प्रत्येक वर्ष कुनै न कुनै काम गरिरहेको उल्लेख गरे।
‘तपाईंहरुको हरेक कामको मूल्यांकन हुन्छ, यस वर्ष स्वयंसेवक कोषमा ९ लाख रुपैयाँ जम्मा गरिदिनेछौँ,’ प्रमुख महर्जनले भने। उनले दिगो विकास लक्ष्य २०३० को उपलब्धि हासिल गर्न बालबालिकाको मृत्युदर र मातृ मृत्युदर कम गर्न स्वयंसेविकाहरूलाई जिम्मेवारीपूर्वक लाग्न आग्रह गरे।
प्रकाशित: २० मंसिर २०८१ १९:१३
प्रतिक्रिया
