पत्रकार दाहाललाई धम्की दिएका धरानका मेयरले भने- यही हो हर्कवाद

इटहरी- पत्रकारलाई सिध्याइदिने धम्की दिएका धरान उपमहानगरपालिकाका मेयर हर्कराज राई (हर्क साम्पाङ) ले आफू कसैसँग नडराउने र परिवर्तन पनि नहुने बताएका छन्। बुधबार पत्रकार गोपाल दाहाललाई सिध्याइदिने धम्की दिएका उनले बिहीबार धरानमा पत्रकार सम्मेलन गर्दै भने, ‘नडराई बोल्नु र कसैको सामु नझुक्नु नै मेरो विशेषता हो। यो हर्कवाद हो, यही हो हर्कपथ। म चेन्ज हुन्न, म यस्तै हो।’

हर्क साम्पाङले नेतृत्व गरेको धरानमा भएका बेथिति र उनी नक्कली माओवादी हुँदा वाईसीएलले पक्राउ गरेको विषयमा विस्तृतमा समाचार प्रकाशन गरेका दाहाललाई धम्की दिएपछि मेयर साम्पाङले बिहीबार पत्रकार सम्मेलन गरेका हुन्। उनले एक फरक प्रसंगामा राजनीतिक दलहरूको एजेन्डा आफूलाई असफल बनाउनु रहेको आरोपसमेत लगाए।

सामाजिक सञ्जाल फेसबुकमा अरूको चर्को आलोचना गर्ने र आफू अनुकूल समाचार नलेख्नेहरू विरूद्धमा अभिव्यक्ति दिने साम्पाङ आफूलाई विकासप्रेमी भन्न रुचाउने उनी निककहरू बताउँछन्।