राजेन्द्र बस्नेतको निर्देशनमा ‘प्रेम गीता’ बन्ने, छायांकन सुरु

काठमाडौँ- राजेन्द्र बस्नेतको निर्देशनमा फिल्म ‘प्रेम गीता’ बन्ने भएको छ। निर्माण टिमले काभ्रेको पाँचखालबाट मंसिर १७ (सोमबार)देखि छायांकन सुरु गरेका छन्।

निर्देशक बस्नेतका अनुसार काठमाडौँ र काभ्रे आसपासमा रहेर २५ दिनमा फिल्म छायांकन सक्ने तयारी छ। फिल्म रामेश्वर हुँमागाईंले छायांकन गरिरहेका छन्।

राजेन्द्रको यो डेब्यु फिल्म हो। उनले यसअघि फिल्म ‘कम्पन’ र ‘काउसो’ निर्माण गरेका थिए। फिल्मको मुख्य सहायक निर्देशकमा विनयराज पौडेल रहनेछन्।

फिल्ममा सुशील पोखरेल, जाहन्वी बस्नेत, साजिद खान, आशा पौडेल, अर्जुन गुरुङ (भँगेरी डन), दीपक केसी, खुश्बु पाण्डे, माधव केसी, मानसी शर्मा, दीपशन लिम्बु, मौसम खड्का र ममता माझीको अभिनय रहनेछ।

मौनता श्रेष्ठको लेखन रहेको फिल्ममा भरत बस्नेतको संगीत, राजु किराँतको द्वन्द्व, रामजी लामिछानेको कोरियोग्राफी र रवि केसीको श्रृंगार रहनेछ।

साजिद खान प्रस्तुतकर्ता रहेको फिल्म ग्रीन प्यारोटस् फिल्म प्रोडक्सन प्रालिको व्यानरमा निर्माण हुनेछ। फिल्मका निर्माता अयाज अलि खान हुन्।