हिमाल प्रेस 
काठमाडौँ- प्रहरीले अवैध सुनसहित वीरगञ्जबाट एक जनालाई नियन्त्रणमा लिएको छ। प्रहरीले वीरगञ्ज महानगरपालिका–१५ भेडियाही बस्ने २८ वर्षीय जयप्रकाशकुमार सोनारलाई पक्राउ गरेको हो।
वीरगञ्ज–८ लिंक रोडमा ना ६२ प २७०५ नम्बरको मोटरसाइल चढेर आउँदै गरेका उनलाई शंकाका आधारमा चेकजाँच गर्दा उनको साथबाट १०७ ग्राम ८९ मिलिग्राम सुन बरामद भएको पर्सा प्रहरीका प्रवक्ता डीएसपी किशोर लम्सालले जानकारी दिए।
बरामद भएको सुनको बिल तथा आवश्यक कागजपत्र देखाउन नसकेपछि जयप्रकाशलाई नियन्त्रणमा लिएको उनले बताए।
उनलाई थप अनुसन्धान तथा कारबाहीका लागि वीरगञ्ज भन्सार कार्यालयमा बुझाइएको प्रहरीले जनाएको छ।
प्रकाशित: १२ मंसिर २०८१ १९:०२
प्रतिक्रिया
