हिमाल प्रेस 
काठमाडौँ- नेपालमा पहिलोपटक आइफोन १४ प्रो म्याक्सबाट खिचिएको फिल्म ‘अ प्लेस अन्डर द सन’ ओटिटी प्लेटफर्म अमेजन प्राइममा सार्वजनिक भएको छ। केही महिनाअघि उपत्यकामा भएको प्रिमियरमा कमेडीमिश्रित कथावस्तु र छायांकन पक्षमा प्रशंसा पाएको थियो।
फिल्मले बाल्यकालदेखिका तीन घनिष्ट मित्रको कथालाई चित्रण गरेको छ। उनीहरुको जीवनमा अर्को व्यक्तिको प्रवेशपछि जीवनमा आइपर्ने उतारचढावलाई फिल्मको कथावस्तु बनाइएको छ। फिल्मका लेखक तथा निर्देशक जेसन लोप्चन् हुन्।
प्रबिन लिम्बुले छायांकन गरेको फिल्ममा मिन घलान, मिरा गुरुङ, अंशु शर्मा, विप्लप गौली, प्रजन पौडेल, रिदेन श्रेष्ठ, प्रवेश महतरालगायत कलाकारको अभिनय छ। निर्देशक लोप्चनले नै सम्पादन गरेको फिल्म काठमाडौँ र चितवनका विभिन्न ठाउँमा छायांकन गरिएको छ। ओएसआर डिजिटलमार्फत फिल्मको ट्रेलर पनि सार्वजनिक गरिएको छ।
यस्तो छ ट्रेलर
