हिमाल प्रेस 
काठमाडौँ- प्रहरीले सप्तरीबाट १७ क्विन्टलबढी गाँजा बरामद गरेको छ। सप्तरीको राजगढ गाउँपालिका–४ बेल्ही चपेना शनिमन्दिरस्थित भित्री सडकखण्डबाट १७ क्विन्टल ३६ किलो गाँजा बरामद गरेको हो।
पत्थरगाढाबाट झुटकीतर्फ जाँदै गरेको को १ ख ६५०३ नम्बरको टिपर गाडीबाट यो परिमाणमा लागुऔषध गाँजा बरामद भएको सप्तरी प्रहरीका प्रवक्ता डीएसपी मनिष श्रेष्ठले जानकारी दिए।
श्रेष्ठले विशेष सूचनाको आधारमा टिपरलाई चेकजाँच गर्दा ढुङ्गा र बालुवाले छोपेर ५६ वटा बोरामा लुकाइएर राखेको अवस्थामा गाँजा बरामद भएको बताए। टिपरका चालक धनकुटा शहिदभूमि गाउँपालिका–३ बस्ने यमजित राई र टिपरलाई नियन्त्रणमा लिएर आवश्यक अनुसन्धान भइरहेको प्रहरीले जनाएको छ।
प्रकाशित: ४ मंसिर २०८१ १२:२४
प्रतिक्रिया
