हिमाल प्रेस 
काठमाडौँ- नेपाल प्रिमियर लिग (एनपीएल) को खेलतालिका सार्वजनिक भएको छ। मंसिर १५ गतेदेखि काठमाडौँमा हुन लागेको एनपीएलका लागि सोमबार प्रतियोगिताको खेलतालिका सार्वजनिक गरिएको हो।
सार्वजनिक तालिकाअनुसार उद्घाटन खेल जनकपुर बोल्ट्स र विराटनगर किङ्सबीच हुनेछ। उद्घाटन खेल दिनको १२ : १५ बजेदेखि सुरू हुने एनपीएलले जनाएको छ।
पहिलो दिन एउटा र त्यसपछि दुई खेल हुने आयोजकले जनाएको छ। हरेक दिन पहिलो खेल बिहान ९ : १५ र दोस्रो खेल दिनको १ : १५ बजे सुरू हुनेछ।
३० नोभेम्बरदेखि १६ डिसेम्बरसम्म लिग चरण र १८ डिसेम्बरमा एलिमिनेटर तथा क्वालिफायर १ राउन्डको खेल राखिएको छ। क्वालिफायर २ १९ डिसेम्बरमा हुनेछ।
२१ डिसेम्बरमा क्वालिफायर १ र क्वालिफायर २ उपाधिका लागि प्रस्पिर्धा गर्नेछ। प्रतियोगिताको सबै खेल कीर्तिपुरस्थित क्रिकेट मैदानमा हुनेछ। पहिलोपटक हुन लागेको एनपीएलमा देशभरका आठ टिम सहभागी छन्।
