हिमाल प्रेस 
धनगढी- दार्चुलामा जिप दुर्घटना भएको छ। मालिकार्जुनबाट गोकुलेश्वरतर्फ आइरहेको जिप आज बिहान झन्डै ४ बजे दुर्घटना भएको दार्चुला प्रहरी कार्यालयले जानकारी दिएकाे छ।
शैल्यशिखर नगरपालिका-६ को बकजेबलामा म १ ज ३३८ नम्बरको जिप दुर्घटना भएको हो। कार्यालयले हिमालप्रेसलाई दिएको जानकारीअनुसार दुर्घटनामा ६ को मृत्यु र ७ जना घाइते भएका छन्। बाँकी यात्रु पनि सवार रहेको हुनसक्ने भएकाले खोजी भइरहेको छ।
स्थानीय मालिकार्जुन मन्दिरमा जात्रा हेरेर फर्किने क्रममा दर्शनार्थी बोकेको जिप दुर्घटनामा परेको प्रहरीको भनाइ छ।
समाचार सच्याइएको छ*
प्रकाशित: ३० कार्तिक २०८१ ६:३०
प्रतिक्रिया
