हिमाल प्रेस 
काठमाडौँ- लोकतान्त्रिक समाजवादी पार्टी (लोसपा)ले पार्टी कार्यालय चलायमान बनाउन पदाधिकारीलाई दैनिक रूपमा कार्यालयमा उपस्थित गराउने भएको छ।
गएको कात्तिक ६ गते बसेको सचिवालय बैठकले केन्द्रीय पदाधिकारीलाई सातामा एक पदाधिकारी, एक बार उपस्थित हुने निर्णय गरेको छ। लोसपाका अनुसार आइतबार पार्टी सुरेन्द्रकुमार झा, सोमबार आभाष लाभ र मंगलबार मनिषकुमार मिश्रलाई पार्टी कार्यालयमा उपस्थित हुने निर्णय गरेको छ।
यस्तै बुधबार विनोदकुमार सिंह, बिहीबार ज्ञानेन्द्र झा, शुक्रबार निर्जला राउत र शनिबार पुष्पा ठाकुर र कविन्द्रनाथ ठाकुरको उपस्थित रहने जनाइएको छ। पार्टीले लेभी उठाउने कार्यको जिम्मेवारी उपाध्यक्ष निर्जला राउत र महासचिव कविन्द्रनाथ ठाकुरलाई तोकिएको छ।
प्रकाशित: २८ कार्तिक २०८१ १०:०९
प्रतिक्रिया
