हिमाल प्रेस 
काठमाडौँ- साविक विजेता म्यानचेस्टर सिटीले इंग्लिस प्रिमियर लिगको जारी सिजनमा पहिलो हार बेहोरेको छ।
सिटी शनिवार भएको खेलमा घरेलु टोली बोर्नमाउथसँग २-१ ले पराजित भएको हो।
एन्टोइन सेमेन्यो र इभानिल्सनको गोलमा बोर्नमाउथ विजयी भएको हो। सिटीका लागिजोस्को ग्वार्डियोलले गोल फर्काए ।
खेलको नवौं मिनेटमा सेमेन्योको गोलमा घरेलु टोलीले अग्रता लिएको थियो । ६४औं मिनेटमा इभानिल्सनले गोल गर्दै घरेलु अग्रता दोब्बर बनाए ।
८२औं मिनेटमा ग्वार्डियोलले गोल फर्काएपनि अर्को गोल नहुँदा सिटी पराजित भयो।
१० खेलबाट २३ अंक जोडेको सिटीले शीर्ष स्थान गुमाएको छ । सिटी शीर्ष स्थानको लिभरपुलभन्दा २ अंकले पछि परेको हो ।
शनिबार नै लिभरपुलले मोहम्मद सलालको निर्णायक गोलमा पाहुना टोली ब्राइटनलाई २-१ ले पराजित गरेको हो ।
लिभरपुलका लागि पहिलो गोल कोडी गाक्पोले गरे। ब्राइटन फेर्डी काडियोग्लुले गोल गरे । लिभरपुलको १० खेलबाट २५ अंक पुगेको छ।
